Pubbliku Reġistru

It-Taqsima tal-Istatus Ċivili hija responsabbli għall-ħruġ ta' kopji awtentiċi ta' Atti ta' Twelid, Żwieġ, Unjoni Ċivili, u Mewt irreġistrati f'Malta. Hija wkoll responsabbli għall-ħruġ ta' Ċertifikati ta' Status Ħieles u forom standard multilingwi għal dokumenti pubbliċi għal ċertifikati ta' twelid, żwieġ, unjoni ċivili, status ħieles, u mewt. Skont ir-Regolament tal-UE 2016/1191 tal-Parlament Ewropew u tal-Kunsill, dawn id-dokumenti m'għadx għandhom bżonn awtentikazzjoni jew legalizzazzjoni b'apostille u issa huma aċċettati mill-awtoritajiet pubbliċi ta' Stat Membru ieħor.

Online: Iċ-ċertifikati kollha jistgħu jiġu ordnati online permezz tal-websajt www.certifikati.gov.mt. Dawn jintbagħtu bil-posta. Dan is-sit www.certifikati.gov jipprovdi l-informazzjoni rilevanti kollha biex jinkiseb ċertifikat tal-istat ċivili eżistenti mir-Reġistru Pubbliku, inklużi ċertifikati tat-Twelid, tal-Istatus Ħieles, taż-Żwieġ, tal-Unjoni Ċivili, tal-Koabitazzjoni, tal-Mewt u għajnuniet għat-traduzzjoni multilingwi għal ċertifikati li jridu jiġu ppreżentati lil awtorità pubblika fi stat membru ieħor tal-UE.

Ċertifikat ordnat online jista' jintbagħat bil-posta madwar id-dinja jew jinġabar mill-uffiċċji tar-Reġistru Pubbliku, Marsa jew ir-Reġistru Pubbliku ta' Għawdex, Victoria. It-Taqsima tal-Istatus Ċivili tipproċessa ċ-ċertifikati kollha ordnati fi żmien sitt (6) ijiem tax-xogħol mid-data tas-sottomissjoni.

Jistgħu jinxtraw mill-uffiċċji tar-Reġistru Pubbliku ta' Malta, Marsa u r-Reġistru Pubbliku ta' Għawdex, Victoria, Għawdex: Iċ-ċertifikati kollha jistgħu jinkisbu fiżikament mir-Reġistru Pubbliku ta' Malta, Taqsima tal-Istatus Ċivili u Customer Care, Triq Aldo Moro, Marsa, Malta jew mir-Reġistru Pubbliku ta' Għawdex, Triq George Borg Olivier, Victoria, Għawdex.

Bil-Posta: Ordnijiet ta' ċertifikati li jaqbżu l-€20 jistgħu jinxtraw ukoll bil-posta billi timla l-formola xierqa li tinsab fil-LINK li ġej (ORDNIJIET TA' ĊERTIFIKATI).

Prezzijiet tax-Xiri taċ-Ċertifikati

Ordnati Online: https://certifikati.gov.mt :